എയർക്കണ്ടീഷൻ

ഉമ്മറത്ത് ആകാശം നോക്കി
അമ്മയെക്കാത്തിരിക്കുമ്പോൾ...

വെയിൽ പൊള്ളിച്ച ദേഹവുമായി
അമ്മ പാടം കയറി വരും...

ഘോര മഴയിലും തണുത്തുറഞ്ഞു
നനുത്ത ചേറു കണക്കിന് അമ്മ വരും...

പരാതിയുണ്ടമ്മയ്ക്ക്; കളിക്കൂട്ടുകാർക്കൊപ്പം
ഞാൻ വെയിലേറ്റതിനും മഴ കൊണ്ടതിനും...

കെട്ടിപ്പിടിച്ചു ശകാരിക്കുമ്പോൾ കിട്ടുന്ന
നിർവൃതിക്ക്; കൊടും ചൂടില്ല, അതിശൈത്യവും...

ജീവിതത്തിൽ ആദ്യമായ് ഏവരും
നുകർന്ന എയർക്കണ്ടീഷൻ ....