മനുഷ്യ മനസ്സുകൾ പോലെ വിസ്തൃതവും നിഗൂഢവുമാണ് പാർക്കുകൾ...
ഒളിഞ്ഞിരിക്കാൻ പാകത്തിന് കൂറ്റൻ മരങ്ങളും
ഒളിക്കാൻ പറ്റാത്ത പുല്പരപ്പുകളും പാർക്കിന്റെ പ്രത്യേകതയാണ്...
നടപ്പു വ്യായാമത്തിൽ ഏർപ്പെടുന്ന ചിലരാണ് പുലർകാലങ്ങളിൽ പാർക്കിന്റെ വിജനതയ്ക്ക് പരിഹാരം...
ചിലരോടൊപ്പം അവരുടെ വളർത്തു നായ്ക്കളെയും കാണാം...
പട്ടികൾ പല രൂപം, പല ഭാവം... കാഴ്ചയിൽ എല്ലാം ഭയം ജനിപ്പിക്കുന്നവ...
പാർക്ക് വിജനമാണെങ്കിൽ പട്ടി വിലങ്ങിൽ നിന്നു മോചിതനാണ്...
പട്ടികളെപ്പോലെ പലവിധമുണ്ട് വിലങ്ങുകളും...
തുണി, തുകൽ തുടങ്ങി ലോഹം കൊണ്ടുവരെ...
അതാതു നായ്ക്കളുടെ തീവ്രതയെ സൂചിപ്പിക്കുന്നതാണ് ഓരോ പട്ടിത്തുടലും...
പട്ടി,യജമാനൻ, തുടൽ, പിന്നെ നടപ്പുകാരും ചേർന്നതാണ് പുലർകാല പാർക്കുകൾ...
സാബു ജോസ്
